Gasteizko Corazonistas kiroldegian jokatuko da asteburu honetan kluben arteko Euskal Ligara igotzeko jubenilen fasea. Txapelketa honek amaiera emango dio kadete eta jubenil kategorien arteko kluben sailkapen bateratuari.

Joan den astean kadeteen fasea jokatu zen, eta sailkapena guztiz irekita geratu zen jubenilen neurketei begira.

Hemen daude joan den asteko emaitzak

Lehiaketa sistemaren arabera, bi kategorietako emaitzak batu egingo dira, eta sailkapen orokorreko lehen bi klubek lortuko dute datorren denboraldian Euskal Ligara igotzea.

Parte hartuko duten taldeak honako hauek izango dira: Baigene Corazonistas, Usurbil K.E., Muskiz Eskubaloia eta Tolosa C.F. Eskubaloia.

PARTIDEN EGUTEGIA

1. JARDUNALDIA – MAIATZAK 15, OSTIRALA
   18:00 | Muskiz Eskubaloia – Tolosa C.F. Eskubaloia
   19:45 | Usurbil K.E. – Baigene Corazonistas

2. JARDUNALDIA – MAIATZAK 16, LARUNBATA
   16:30 | Tolosa C.F. Eskubaloia – Usurbil K.E.
   18:00 | Muskiz Eskubaloia – Baigene Corazonistas

3. JARDUNALDIA – MAIATZAK 17, IGANDEA
   10:30 | Usurbil K.E. – Muskiz Eskubaloia
   12:15 | Baigene Corazonistas – Tolosa C.F. Eskubaloia

Partida guztiak Gasteizko Corazonistas kiroldegian jokatuko dira.

Jubenilen fasea amaitu ondoren erabakiko da kadete eta jubenilen arteko behin betiko sailkapen bateratua, eta bertatik aterako dira Euskal Ligara igoko diren bi klubak.

Federazioak Arabako eskubaloi zale guztiak Corazonistasera gerturatzera animatu nahi ditu, asteburu osoan zehar giro bikainaz gozatu eta denboraldiko hitzordu garrantzitsu honetan taldeei babesa emateko.